【環聯(TU)信貸報告係咩？有咩用？良好紀錄，由大專時期做起啦】
環聯信貸報告？咩嚟㗎？食得㗎？唔好以為佢同你好遙遠，其實你借錢交學費、買樓，生意需要周轉等，通通都關呢份報告事㗎！快啲睇落去，了解下呢份報告啦～ 咩係環聯(TU)信貸報告？ 環聯資訊（TU，全寫為TransUnion）係全港唯一同首間消費者信貸資料機構，而環聯信貸報告列有其會員（財務公司及銀行等財務機構）所提供嘅信貸資料，當中包括： a ) 個人資料 例如：姓名、身份證號碼、出生就日期、地址、電話 b) 信貸帳戶資料 例如：信貸用情況及還款紀錄 c) 公眾紀錄 例如：債務追討、破產及清盤訴訟 d) 查詢紀錄 例如：過去兩年內環聯會員的查詢紀錄 e) 信貸評分 例如：概括信貸狀況的一個分數 f) 消費者過往的信貸紀錄 g) 過往的個人資料 例如：地址、電話及公眾紀錄 不過報告入面嘅多數係私人資料，所以財務機構係唔能夠查閱所有細節嘅。財務機構只會取得一個總結咗你財務信譽嘅信貸評分。 份報告有咩用？ 當你申請貸款時（例如：汽車貸款、按揭，甚至係新信用卡），銀行或財務機構會參考你嘅信貸報告，以評估你係咪可靠的借貸人，及了解你對財務的責任感。 另外，報告亦有助你掌握個人財務狀況，令你對信貸詐騙及潛在身份盜用嘅情況提高警覺。 信貸評分點運作？ 信貸評分係信貸機構審核信貸批核時嘅其中一項參考資料，一共分10級 — A至J，當中以A為最高，J為最低。 影響信貸評分嘅因素 1. 還款紀錄 假如逾期還款，報告上會記錄低拖欠貸款或遲交卡數嘅金額、欠款日期及還款日期。就算只係遲交卡數1日，相關紀錄都會保留5年㗎！ 2. 信貸查詢紀錄 當你過往2年內申請貸款或信用卡時，財務公司及銀行會向環聯查詢用戶信貸背景，而每一次查詢都會留低紀錄，假如短期內有太多查詢紀錄，就有機會令財務機構認為你周轉不靈，進而影響貸款批核或信用卡批核。 3. 信貸額使用率 綜合用戶所有信用卡嘅信貸額，再計算其已用但未還嘅總結餘，計算公式係（總結餘 / 總信貸額）。假如呢個比率高於50%，就有機會影響信貸評分。 4. 可使用信貸額 綜合用戶所有信用卡嘅信用額，減去已用但未償還嘅總結餘。可使用信貸額愈高愈好。 5. 信貸使用年期 假如你冇任何借貸及信用卡紀錄，咁你嘅信貸紀錄就係空白，而信貸紀錄年期就係將用戶的紀錄由零開始到呢一刻。而年期愈長，就愈有參考價值。 一般嚟講，信貸報告入面嘅負面資料都會喺5年後被刪除，而破產紀錄就會保存8年。至於正面資料(例如：汽車貸款、樓宇按揭、訂明還款年期的借貸)則會一直有紀錄，直至帳戶取消後5年。
大專生最高人工兼職Top 5!最賺錢原來係呢樣⋯⋯
[第五位] 零售業/服務業 唔少大專生都會揀做零售業/服務業part time，例如服裝店sales、主題樂園服務員。通常呢類 兼職都比較正式，需要簽合約，因此保障亦較多。 好處: a:時間彈性且穩定，自行決定報更時間 b:多勞多得，長更嘅一日收入可達$500-700 c:門檻較低，一般毋需經驗 d:工作氣氛佳，有機會遇到年齡相近、啱傾嘅同事 缺點: i:工時長，辛苦，有機會假日要上班 ii:時薪不太高 [第四位] 炒散 唔想固定報更嘅同學，餐飲/酒店業嘅「炒散」就適合你啦。工作多數圍繞婚宴傳菜、酒店侍應、宴會酙茶遞水。 好處: a:工作時間非常彈性，而且有機會在不同環境工作 b:多數即日出糧，一般時薪有$65-70，一晚則有$400-500左右 缺點: i:不穩定，冇保障 ii:大多需要體力勞動，非常辛苦 [第三位] 私人補習 要數大學生至愛兼職，私人補習絕對係第一位。 好處: a:時間、地點彈性非常高，學生可以「揀工」 b:不需體力勞動，用知識賺錢，相對輕鬆 c:時薪頗高，一般時薪為$120-200 缺點: i:門檻相對較高，薪金與學歷、經驗掛勾 ii:通常一個星期只上3-4個鐘，一星期只得$400蚊左右 [第二位] 展覽工作人員 想短期賺快錢嘅你，可能都有做過event helper。各大展覽一般需要大量嘅工作人員，職責包 括搬貨、維持攤位運作同維持人流秩序等等。 好處: a:短期賺快錢，工時約10小時，時薪由$50-70，一日可賺約$700蚊，整個展期試可以賺到 $2000-3000不等;於節日、假日期間上班，人工更有機會倍增 b:工作氣氛不錯，容易認識到年齡相近嘅同事 缺點: i:有機會被中介公司拖糧 ii:工時長，一般為體力勞動工作，很辛苦 iii:只有特定日子才會有工作機會 [第一位] 政府臨時工 登登登登!高薪嘅兼職多數同政府有關，例如DSE閱卷員、監考員等，每節4個鐘，平均時薪 有$130;而政府統計處嘅兼職訪問員，時薪亦有$101。 好處: a:高薪，而且唔驚拖糧 […]
【貸款名詞你要知，大專生申請貸款前必須知道呢幾件事！】
自從升讀大專，開支「一闊三大」，有機會要申請貸款。但市面上貸款機構非常之多，又各自推出你唔同嘅貸款產品，當中牽涉好多專有嘅名詞同概念，你又識唔識？係時候一齊嚟學下嘢啦！ 1. 月平息 月平息係最常見嘅貸款利息計算方法，其最大好處係能夠令借貸人可以快速計算「總利息支出」同「每月還款額」。 但值得注意嘅係，「每月利息」及「每月本金」非一成不變，實質嘅利率並唔只係將月平息乘以還款期數。 要知道貸款嘅實質成本，則應參考「實際年利率」。 2. 實際年利率 實際年利率嘅目的，係幫助借貸人能夠比較唔同貸款產品嘅借貸成本，當中有機會包含月平息、借貸優惠及手續費等，係最能夠反映借貸成本嘅指標。當實際年利率愈高，就代表借貸成本愈高。 而實際年利率除咗會隨市況改變，亦會受借貸金額以及還款期長短影響。 值得留意嘅係，唔少銀行為吸引客戶借貸，都會提供現金回贈，但當中實際年利率嘅計算係咪包含現金回贈，就要問清楚啦！ 3. 循環貸款 循環貸款係一種主要針對短期周轉/貸款需要嘅無抵押私人貸款，運作為金融機構銀行或銀行會給予借貸人某個透支限額，類似信用卡嘅最高信貸額；至於利息則每日計算，視乎客人用咗幾多貸款額而決定。 佢最大嘅特點係不設還款期或每月固定還款額，只要你提取嘅金額唔超過信貸額上限，加埋每個月最少能償還最低還款額即可。 而且其彈性極大，只要每個月最少能夠償還最低還款額，淨返嘅貸款就可以隨時還，再借未使用嘅信用額亦冇問題，唔需要支付罰息。直至總借貸連利息超過總貸款金額，就必需還錢；但亦能用最低還款額支付超出總貸款額嘅部分，其他欠款則繼續計息，情況等同你用信用卡還min pay，之後繼續碌卡一樣。 4. 結餘轉戶 結餘轉戶嘅意思係將多張信用卡嘅貸款結餘轉移到一張信用卡上，等還款人可以節省利息及集中還款，適合理財不善、欠落一身卡數，或每月只能還min pay嘅人。相比起信用卡高達30%以上嘅實際年利率，結餘轉戶貸款嘅利息就低得多，普遍介乎於5%至19%，其批出嘅貸款額更可高達18至21倍月薪。加上還款期較長，大約有72至84個月，係相當唔錯嘅選擇。然而結餘轉戶貸款同樣有其限制，特別係入息要求，而過期或提前還款亦有會罰息。另外，貸款一旦經過批核後，款項將直接存入申請人貸款／信用卡／還款戶口、或寄本票到申請者嘅通訊地址，並規定該筆款項只可用嚟還款。 短期急用錢? 大專生憑學生證即批一萬*! 即刻CLICK入嚟申請 想知多啲? Whatsapp我地啦 *BEEZ保留貸款服務批核,修訂及詮釋的權利, 不作另行通知。
【疫情期間，邊啲兼職工種最缺人？大專生快啲入嚟睇睇！】
「而家經濟咁差，實搵唔到工啦！」 咪住先⋯其實疫情期間，亦有唔少逆市彈起嘅奇葩等緊你開工㗎，一齊嚟睇下啦！ 1. 網上超市 政府最新零售數字顯示，今年2月嘅零售業總銷貨按年下跌44%，各類別跌幅2至5成，唯獨只有一項上升，就係超級市場（上升11.1%）。 受惠於疫情，HKTV MALL訂單急增。為平衡物流壓力及送貨效率，佢哋甚至逆市加價，可見行業前景一片明朗。 而有「代客買餸」嘅服務更稱從1月底開始，生意額急升2至4倍，送貨量不勝負荷。正當不少人擔心飯碗不保，佢哋更招聘人手、設立自家倉庫及物流中心，逆市擴展版圖。 2. 傳統保險 有傳統保險公司指出，估計受社會動盪及疫情陰霾影響，市民趨向購買多一份保障。 因此，去年第三季新保單保費收入錄得140%升幅，大幅跑贏整體市場，目前已聘用2500名代理，今年將增至3000名，未來5年更會升至4000至5000名。 3. 外賣平台 Foodpanda表示，農曆新年期間外賣訂單數目錄得按年3倍增長，農曆新年假期後，平台需求較平日高出五成。 Deliveroo則表示，1月份的訂單數目按月增加六成，增幅在2月起顯著上升，估計是農曆新年假期後，大部分市民留家工作，令最近的外賣訂單大幅增加。而由於近期訂單激增，上周已增聘約一千名司機負責運送食物，更開設第三家中央廚房應付潛在需求。 短期急用錢? 大專生憑學生證即批一萬*! 即刻CLICK入嚟申請 想知多啲? Whatsapp我地啦 *BEEZ保留貸款服務批核,修訂及詮釋的權利, 不作另行通知。 Business photo created by rawpixel.com – www.freepik.com
【唔用信用卡？本地Debit card 及 Prepaid card有呢啲選擇！】
作為初出茅蘆嘅大專生，面對各式各樣嘅誘惑，好易會碌爆卡！ 如果想享受網上購物，又希望審慎理財，會有咩選擇呢？ 預付扣帳卡（Debit Card） 消費前，你需要先匯款到預付扣帳卡所連結嘅銀行帳戶，到消費時就會直接從你連結嘅銀行帳戶內扣錢，因此不會產生透支、先使未來錢嘅狀況。 預付卡（Prepaid card） 預付卡與Debit Card類近，同樣只能用已有款項付款，但預付卡不會連結銀行戶口。 選擇一：三三金融預付卡 此卡分為禮品卡及個人卡。前者於便利店購入後，致電或網上登記即可啟動戶口，過程毋須任何身份證明文件。此卡不可增值，用完作廢，有效期為12個月。 而後者雖可增值，但需親身申請，且要遞交身份及住址證明文件，手續繁複。 選擇二：Tap & Go 拍住賞 由啟動到使用，全程可於網上辦理。 用家在上傳身份證啟動賬戶後，可用網上銀行進行轉賬增值，或以現金到過百家商店增值等，非常方便。 選擇三：Neat預付卡 網上申請時需拍照，與身份證相片作核對。完成手續後，實體卡會在一星期內送到府上。用家除咗可以用ATM櫃員機轉賬增值外，亦可用銀行轉賬增值。 ____________________________________ 萬一真係碌卡使大咗? 拒絕min pay貴息! BEEZ幫你分期 立即CLICK入嚟申請
【學費延期要點做？即Check有咩要知！】
喺香港讀大專嘅學費動輒都要十幾廿萬，普通人確實好難一時三刻拎到咁大筆錢⋯⋯而申請學費延期就係其中一個解決燃眉之急嘅方法，快啲嚟睇下申請須知啦！ 1. 申請方法 萬變不離其宗 一般嚟講，學費延期嘅申請都離不開親身申請、網上交表、電郵同問學生發展資源中心/學生會等方法。 值得留意嘅係，各間大學所需要嘅申請文件都唔同。例如較為特別嘅科技大學，需要提供申請人及家長的投資文件副本（股票、債券、基金等）、保險單副本、甚至係兄弟姊妹近期嘅Grant Loan申請表副本。 2. 申請期限 愈早愈好 各院校申請限期各異，譬如理工大學最遲可以喺限期前兩個工作天提交申請，但公開大學就需要早喺六月中申請，所以大家緊記要多啲留意學校電郵同定期查問學資處/學生會呀！ 留意返，如果太遲申請，院校係有權唔保留你嘅學籍㗎！ 3. 申請資格 你要知 基本上，只要係經濟有困難嘅同學就可以申請學費延期，門檻並唔高。 而且學資處一般會以個別情況審核，通常只要有合理理由即可獲批，過程較人性化。 當中亦會有一啲普遍較容易獲批嘅個案，例如正在等待Grant Loan申請結果、或仍未收到Grant Loan資助嘅同學。 Upload學費單，Beez幫即批全期學費，分期慢慢還 申請學費分期: www.beez.hk/application
【懶人包！盤點五張最實用嘅大專信用卡！】
無論網上購物、食飯畀錢定係買戲飛，有張信用卡真係方便好多。 但你又知唔知最正嘅大專信用卡有邊幾張？快啲嚟睇下啦！ 1. 全面照顧 — 滙豐Red信用卡 優惠一覽： -網購簽賬：回贈4%獎賞錢 -超市簽賬：回贈2%獎賞錢 -網上繳費及八達通增值：回贈0.4%獎賞錢 -簽賬分期即享超低手續費優惠(低至HK$50) -以Hotels.com預訂全球酒店可享低至89折 -以Deliveroo戶戶送訂外賣可享有HK$20優惠 -永久豁免年費 迎新優惠： -HK$800超市現金券或$800獎賞錢 2. 多用多賞 — 美國運通Blue Cash信用卡 優惠一覽： -凡於百老匯院線購買正價戲票，即享8折優惠 -Pacific Coffee飲品可獲免費升級 迎新優惠： -成功申請，即回贈HK$200現金 -簽帳滿HK$6,000，即回贈HK$800現金 -申請兩張附屬卡：即回贈HK$200現金 3. 務實之選 — 滙豐 滙財金卡學生卡 優惠一覽： -以滙豐網上理財繳交指定大學/大專院校學費，即回贈2.4%「獎賞錢」，最高可享HK$400回贈 -最紅自主獎賞計劃：可享高達4.4%回贈 -永久豁免年費 迎新優惠： -於發卡後首60日簽賬滿HK$600，即享HK$300簽賬回贈（等同於50%現金回贈） 4. 網購最啱 — 恒生銀行 MPOWER 白金卡 優惠一覽： -指定海外簽賬、流動支付 -網購可享5%回贈 -免卻網上購買戲飛的手續費 迎新優惠： -8張MCL電影禮券+ $100 Cash Dollars […]